БЗД-ийн 16-р хорооны нутаг дэвсгэрт байрлах “Шүүхийн шийдвэрийн ерөнхий газрын хотхон”-ы дулааны шугам задарч дөрөв хоногийн турш халаалтгүй болсон талаар бид мэдээлсэн.
Тэгвэл өчигдөр буюу арванхоёрдугаар сарын 25-нд тус хотхоны халаалт иржээ. Гэвч оршин суугчдын төлөөлөл “Дулааны шугам нь маш муу, тог тасраад ирэхээрээ усны даралтаас болж шугам нь буудчихаад байгаа. Ахин халаалтгүй болохыг үгүйсгэхгүй” гэсэн юм.
Дөрөв хоногийн турш халаалтгүй байсан учир нэг, хоёр давхрын айлуудын цонх, ханаа дагаж мөстөж, халаагуур нь хөлдөн хагарах эрсдэл үүсээд байсан юм.
