Монгол Улсын Ерөнхий сайд Л.Оюун-Эрдэнэ өнөөдөр |2024.01.15| Давосыг зорино.
Гурван улсын төрийн тэргүүн, хоёр улсын Ерөнхий сайдтай уулзана
Тэрбээр “Дэлхийн эдийн засгийн чуулган”-д оролцох үеэрээ,
- Швейцарын Холбооны Улс,
- Бүгд Найрамдах Армен,
- Бүгд Найрамдах Сингапур Улсын Ерөнхийлөгчид бараалхах юм.
Түүнчлэн Еөнхий сайд Л.Оюун-Эрдэнэ нь,
- Бүгд Найрамдах Солонгос Улс,
- Тайланд Улсын Ерөнхий сайдтай уулзах тов одоогоор гараад байна.
Мөн олон улсын үндэстэн дамнасан корпорациудын тэргүүн нартай уулзаж, хоёр талын худалдаа, хөрөнгө оруулалтын талаар хамтран ажиллах санал солилцоно гэж албан мэдээндээ дурджээ.
Уг уулзалт нь, Монголд Оюутолгой төслийг хэрэгжүүлэгч Рио-Тинто юм.
Тус группийн тухайд, саяхан 1.1 тэрбум ам.долларын зээл авч, санхүүжилтээ өргөтгөх агуулгаар ТУЗ-ийн шийдвэрийг гаргуулсан. Хагас жил орчим монголын ба хөрөнгө оруулагч талын ТУЗ-ийн гишүүд дунд маргаан дагуулсан уг сэдэв \линк\-ээс гадна хоёр талын түр зогсолт хийгээд Арбитрын маргааны асуудал анхаарал татаж буй.
Тэрбээр 2024 оны сонгуулийн өмнө эрх баригч намын дарга, Засгийн газрын тэргүүний хувиар уг уулзалтыг хийж буйгаараа онцлог юм.
Нийт 50 орчим уулзалтыг дараах сэдвүүүдийн хүрээнд хийхээр төлөвлөжээ
Ерөнхий сайдын оролцох уулзалтын сэдвүүдийн тухайд,
- Сэргээгдэх эрчим хүч,
- Хөдөө аж ахуй, аж үйлдвэр,
- Хот төлөвлөлт,
- Цахим хөгжил,
- Мэдээллийн технологи,
- Аялал жуулчлал,
- Олон улсын маркетингийн хамтын ажиллагаа зэрэг агуулгууд нэрлэгдсэн байна.
Ерөнхий сайд Л.Оюун-Эрдэнэ энэ өдрүүдэд нийт 50 орчим уулзалт хийхээр төлөвлөгдөөд байгаа аж.
Швейцар улсын эдийн засагч Клаус Швабын 1971 онд анх санаачилсан Дэлхийн Эдийн Засгийн Чуулган/ДЭЗЧ/ нь бүхий л орны улс төр, бизнес, хүрээлэн буй орчин, техник технологи гээд салбар салбарын төлөөлөгчдийг нэгтгэн дэлхий дахинд тулгарч буй хүндрэл, бэрхшээлүүдийн гарц шийдлийг хайж олох, цаашдын хөгжлийн чиг хандлага, бодлогыг тодорхойлох зорилготой юм.
Уг чуулган уулзалтад сүүлийн жилүүдэд монголын талаас,
- 2023 онд Гадаад харилцааны сайд Б.Батцэцэг
- 2017 онд ерөнхийлөгч Ц.Элбэгдорж,
- 2018 онд Гадаад харилцааны сайд Д.Цогтбаатар,
- 2019 онд Уул, уурхайн сайд Д.Сумъяабазар,
- 2020 онд ерөнхийлөгч Х.Баттулга оролцжээ.
“Rebuilding trust” буюу “Итгэлийг эргэн сэргээе” уриан дор зохион байгуулагдах уг чуулга уулзалтад манай улсын хувьд 20 жилийн дараа Ерөнхий сайдын түвшинд оролцож буйгаараа онцлог юм.
Монгол Улс нь ковидын дараа ДНБ нь өссөн, авлигын эсрэг реформын шинжтэй арга хэмжээ авсан, “Зуны Давос” арга хэмжээний анхаарал татсан оролцогчдын нэг байсан зэрэг эерэг үзүүлэлттэй уг уулзалтыг зорьж байна.
Дэлхийн эдийн засгийн 54 дэх удаагийн энэ чуулганд Аргентин, Бельги, Болгар, Израиль, Ирак, Ирланд, Йордан, Канад, Кени, Колумби, Латви, Литва, Нидерланд, Польш, Серби, Украин, Унгар, Франц, Швед, Шри Ланка, Эквадор зэрэг 30 гаруй орны төрийн тэргүүн, дэд ерөнхийлөгч, Ерөнхий сайд, Засгийн газрын гишүүд болон олон улсын байгууллагын төлөөлөгчид оролцох юм.
