“American Airlines” компанийн онгоцоор өнгөрсөн Лхагва гаригт Техас мужийн Форт-Уэрт хотоос Монтана муж улсын Боземан руу зорчиж явсан Кит Эдвард Фагиана нэртэй эр онгоцны үйлчлэгчийг зодож танхайрчээ.
Тодруулбал, Кит Эдвард Фагиана нь өөр зорчигчийн сандал руу өшиглөж, амгалан тайван байдлыг нь алдагдуулсан байна. Энэ талаар онгоцны үйлчлэгчид хэлэхэд үйлчлэгч Фагианагаас болихыг хүсчээ. Гэтэл Фагиана босч ирээд хараал хэлж, үйлчлэгчийг цохиж зодсон байна. Эмх замбараагүй байдал үүссэн тул онгоц Амарилло хотод газарджээ. Онгоц газардах хүртэл үйлчлэгч болон бусад зорчигч хамтран Фагианад зөөлөн гав зүүж, дарж явсан байна.
Тэрбээр ирэх Даваа гаригт Амарилло хотод холбооны шүүх хурлаар орно. Хэрвээ гэм буруутай нь тогтоогдвол 20 жилийн хорих ял авна.
Фагиана нислэгийн талаар юу ч санахгүй байгаа гэж мэдүүлжээ. Гэхдээ нисэхээсээ өмнө уушийн газарт согтууруулах ундаа уусан гэдгээ хүлээн зөвшөөрсөн байна.
Эх сурвалж: SCMP
