“Синдерелла клиник” ХХК гоо сайхны эмнэлгээр үйлчлүүлээд хараагүй болсон иргэдийн өмгөөлөгч мэдээлэл хийлээ.
Үйлчлүүлэгчийн өмгөөлөгч Г.Минжмаа “Хөгжлийн бэрхшээлтэй хүүхдээ асардаг өрх толгойлсон эмэгтэй нүдэндээ филлер тарилга хийлгээд баруун нүдний хараагаа алдсан. Хохирогчийг эмнэлэгээс 500 сая төгрөг авчихаад дахин мөнгө авахаар сүрдүүлж байна гэж хэлээд байгаа.
Гэтэл “Синдерелла клиник” 60 мянган ам.долларыг гаргуулж авсан. Энэ мөнгийг гаргаж өгөхдөө хууль шүүхийн байгууллагад гомдол гаргаж өгөхгүй байхыг шаардсан. Одоогийн байдлаар хохирогч эмэгтэй Герман, Непал улсуудад эмчилгээний зардалд өөрөөсөө 110 мянга орчим ам.доллар төлчихсөн байна. Хохирогч эмэгтэй 65 хувь хөдөлмөрлөх чадвараа алдсан. Хүнд гэмтэлтэй болсон нь шинжээчийн дүгнэлтээр тогтоогдсон. Цаашид зүүн нүдний хараанд өөрчлөлт орох эрсдэл байна” гэв.
Д.Нямхүү
