АНУ-ын Нью Жерси мужид ихрүүд жил дамнан төржээ. Тус мужийн Вүүрхэс тосгонд байрлах “Virtua Voorhees” эмнэлэг Эзра, Эзэкиал нэртэй ихрүүд шинэ жилээр мэндэлсэн гэж мэдэгдсэн байна.
“Virtua Voorhes” эмнэлэг хэвлэлийн бага хурал хийхдээ “Ихрүүдийн нэг нь арван хоёрдугаар сарын 31-ний орой төрсөн. Нөгөө нь 2024 он гараад төд удалгүй мэндэлсэн. Ах Эзра нь 31-ний 11:48 минутад 2.72 кг, 47.63 см өндөр төрсөн бол Эзэкиал 00:28 минутад 1.81 кг, 43.82 см өндөртэй мэндэлсэн” гэжээ.
Ихрүүдийн эцэг эх Билли, Эва хоёр мөн нэгдүгээр сарын 3-нд төрсөн гурван настай хүүтэй юм. “Virtua Voorhes” эмнэлэг “Ихрүүдийн төрсөн өдрүүдийг илүү онцгой болгож байгаа өөр нэг зүйл бий. Билли мөн шинэ жилээр төрсөн тул Эзра аавтайгаа нэг төрсөн өдрөө тэмдэглэх нь” гэсэн юм.
Эх сурвалж: Fox News
