Үндэсний Статистикийн Хороо(ҮСХ)-ноос 2023 оны арванхоёрдугаар сарын байдлаарх Монгол Улсын нийгэм, эдийн засгийн үзүүлэлтүүдийг өнөөдөр танилцуулж байна.
Хэвлэлийн хурлын эхэнд хэрэглээний барааны үнийн өсөлт буюу инфляцын тухай мэдээлэл өглөө.
2023 оны арванхоёрдугаар сард инфляц улсын хэмжээнд 7.9 хувьтай гарсан байна. Энэ нь өмнөх сараасаа 0.7 хувиар буурсан үзүүлэлт юм. Өнгөрсөн сард инфляц 7.9 хувьтай гарахад хүнсний бүлэг 42, импортын барааны үнэ 35 хувиар нөлөөлжээ.
Мөн инфляцад хонины ястай мах, нэгдүгээр гурил, их дээд сургуулийн нэгдүгээр курсийн сургалтын төлбөр, сүү, талх, зоогийн газарт худалдаалагддаг шилтэй пиво зэрэг 10 төрлийн бараа голлон нөлөөлсөн байна.
Эдгээр 10 төрлийн бараагаар үнийн өсөлт, инфляцын 33.1 хувь нь тайлбарлагдаж байгаа аж. Түүнчлэн талх, гурил, будааны үнэ жилийн хугацаанд 14.7 хувь өссөн нь инфляцад 1.2 нэгж хувиар нөлөөлөв.
