Пүрэв гарагт алтны үнэ сүүлийн нэг жилийн дээд түвшинд хүрлээ. Алтны үнэ 1.2 хувиар өсөж, унц нь 2037 ам.доллар болсон байна.
Энэ нь 2022 оны гуравдугаар сараас хойших хамгийн өндөр дүнтэй өсөлтийн үзүүлэлт болж байна.
АНУ-ын инфляц үл ялиг тогтворжиж, ажилгүйдлийн тэтгэмж хүсэгчдийн тоо өссөнөөр хөрөнгийн зах зээл болон алтны үнэд өсөлт давамгайлж байна.
Мөн АНУ-ын Төв банк бодлогын хүүг өсгөх циклээ эцэслэх дөхөж байгаагаас ам.долларын ханш суларч, алтны үнэ дээд цэгтээ хүрэх дөхөөд байгаа юм.
Үүнээс гадна 2023 оны эхний хоёр сард дэлхийн Төв банкнууд ихээхэн хурдтайгаар алт худалдан авсныг Дэлхийн алтны консул мэдээллээ. Оны эхний хоёр сард олон улсын Төв банкнууд нийт 125 тонн алт худалдан авсан нь 2010 оноос хойших дээд үзүүлэлт болж байна. Тухайлбал: Сингапур, Турк, БНХАУ, ОХУ болон БНЭУ хамгийн их хэмжээгээр алт худалдан аваад байгаа аж.
