“Alaska Airlines” компанийн “Boeing 737 Max 9” загварны онгоц АНУ-ын Орегон мужийн дээр нисэж явахдаа хаалга нь цөмөрч онгойсон явдал баасан гарагт /2024.01.05/ гарчээ. Тус онгоц нисэх буудал руу эргэн зорчиж, яаралтай буулт хийсэн байна.
Уг явдлын дараа “Alaska Airlines” компани бямба гарагт /2024.01.06/ 23 мянган үйлчлүүлэгч суух байсан160 нислэгээ цуцалжээ. Тус компанийн Бен Миникуччи “Энэ нислэг явсан хүмүүст тохиолдсон зүйлд харамсаж байна. Манай нисгэгчид болон онгоцны үйлчлэгчдийн авсан арга хэмжээнд маш их талархаж байна” гэж хэлсэн юм
АНУ-ын агаарын тээврийн захиргаа 171 “Boeing 737 Max 9” онгоцыг шалгах шаардлагтай гэжээ.Мөн Холбооны Нисэхийн Захиргаа (FAA) дэлхий даяарх “737 Max 9” загварын онгоцнуудыг яаралтай шалгах тушаал гаргасан байна. Шаардлагатай үзлэг хийхэд нэг онгоцод 4-өөс 8 цаг зарцуулна гэж мэдэгджээ.
“Boeing” компанийн гаргасан тоо баримтаас харвал 1,300 “737 Max 9” загварын онгоцыг захиалагчдад хүргэж өгсөн байна. Өнгөрсөн сард АНУ-ын Холбооы Нисэхийн Захиргаа тус загварын онгоцнуудын удирдлагын системд боолт суларсан эсэхийг шалгахыг сануулсан юм.
Эх сурвалж: BBC
