Цагийн менежмент гэдэг нь:
- Цагийн менежмент нь өдөр тутмын болон хэтийн зорилгодоо хүрэхийн тулд өөрт буй цаг хугацааг үр бүтээлтэй ашиглах үйл явц юм.
- Энэ нь өөрийн зарцуулах цагаа төлөвлөх, хянах үйл явц бөгөөд зорилго тавих, хуваарь гаргах, түүнийгээ дагаж мөрдөхийг хэлнэ.
- Цагийн менежмент нь богино хугацаанд илүү их зүйлийг хийх, стрессийг багасгахад тусалдаг.
- Төлөвлөгч ашиглах, сэрүүлэг тавих, жагсаалт гаргах зэрэг олон аргаар менеж хийж болно.
- Хамгийн чухал нь өөрт тохирох аргыг олж, түүндээ тууштай байх явдал.
- Цагийн менежменттэй болсноор ажлын бүтээмж нэмэгдэж улмаар өдрийг үр дүнтэй өнгөрөөж, хийж гүйцэтгэсэн ажилдаа сэтгэл хангалуун байх болно.
Бүтээмжийг нэмэгдүүлэх цагийн менежментийн тип:
1. Timeboxing
Timeboxing аргачлал нь том ажлуудыг жижиг хэсгүүдэд хувааж, боломжит хугацаанд дуусгахад чиглэнэ. Даалгавар бүр гурван цагаас илүүгүй үргэлжлэх зарчимтай.
2. Time blocking
Цагийн блок үүсгэхийн тулд өдрийн болоод долоо хоног тутмынхаа чухал ажлуудыг тодорхойлж, ижил төстэй ажлуудыг бүлэглэх хэрэгтэй. Ингэснээр нэг чигт анхаарлаа төвлөрүүлэх боломжтой. Эцэст нь, хуанли дээр зоон ажиллана.
3. Pomodoro method
Помодоро аргачлал нь байнгын завсарлагыг идэвхтэй дэмждэг тул дотоод сэдэл болоод тархинд эергээр нөлөөлдөг. Чухамдаа завсарлага авах нь хүмүүсийг илүү бүтээлч болгодог гэсэн судалгаа байдаг. 25 минутын турш идэвхтэй ажилласны таван минутын завсарлага авах зарчмаар ажиллана. Завсарлагааны үеэр хөнгөн зууш идэх, сунгалтын дасгал хийх гэх мэт биеийн тамирын дасгал хийх нь чухал. Аль болох утсаа бүү ашиглаарай.
4. Eat the Frog
Энэ нь хамгийн төвөгтэй, хугацаа шаардахуйц чухал ажлаа түрүүнд хийх аргачлал юм. Өдрийн хийх ажлаа тогтмол жагсаан бичиж ач холбогдлын хувьд жагсаан хамгийн хүндийг нь түрүүнд хийхийг заадаг.
5. Паретогийн зарчим
Паретогийн зарчим нь “Мэлхийг ид” аргын эсрэг “80/20 дүрмээр ажилладаг. Энэхүү аргачлал нь үр дүнгийн 80% нь 20% үйлдлээс шалтгаалдаг гэж үздэг. Төлөвлөсөн ажлаа хэсэгчлэн хувааж гүйцэтгэх нь илүү үр ашигтай гэх санаа. Та хийх зүйлсээ жагсаан бичсэний дараа хамгийн нөлөө бүхий ажлыг сонгон гүйцэтгэх хэрэгтэй.
6. GTD
2000-аад оны эхээр Дэвид Аллен “Ажлаа дуусгах” аргыг зохион бүтээсэн. Аллены хийх ёстой бүх зүйлээ бичих нь аливаа ажлыг дуусгах эхний алхам гэж үзсэн. Хийх ёстой бүх ажлаа жагсаасны дараа эрэмбэлэх хэрэгтэй.
Мөн долоо хоног бүр ахиц дэвшлээ дүгнэж, ирэх долоо хоногоо төлөвлөхөд тодорхой цаг гаргаарай. Цаашлаад онц чухал биш эсвэл цаг гаргах боломжгүй ажлуудаа бусдад даатгаж сурах хэрэгтэй төдийгүй өөрийн цаг хугацааг хүндэтгэн шаардлагагүй зүйлд эелдгээр татгалзсан хариу өгч сурах хэрэгтэй.
