МСБХ-ны Үндэсний Дээд Лигийн 2023-24 улирлын “Бүх Одод 2024” холимог оддын тоглолт өнөөдөр эхэлж байгаа билээ.
Энэ удаагийн тоглолтын онцлог нэгэн үйл явдал нь Дундговь аймгийн алдарт уяач Э.Улаанхүү Д.Өлзий-Орших дасгалжуулагчтай “Powerade” багт тоглох юм.
Э.Улаанхүүгийн шүдлэн үрээ Их Монгол Улсын 817 жилийн ойн Үндэсний их баяр наадмын шүдлэн насны уралдаанд, тэргүүлж ирсэн юм. Гэхдээ морь бариач тасарч ирсэн эхний хоёр үрээг тосохдоо Э.Улаанхүүгийн хар үрээний өмнүүр хөндөлсөж орсноор аль үрээ нь түрүүлсэн эсэхт будлиулсан юм. Ийнхүү морь бариачийн мэдрэмжгүй үйлдлээс болж Э.Улаанхүүгийн хар үрээ аман хүзүүнд орсон билээ. Гэхдээ морины комисс маргааш нь түүний хар үрээг түрүүлсэнд тооцсон аж.
Энэхүү будлианы үеэр алдарт уяач Э.Улаанхүү хар үрээгээ “тэргүүлсний дайтай аман хүзүүнд орлоо, сайхан байна” гэхчилэн ярьсан нь ард иргэд, олон түмний хайр энэрлийг татсан юм. Үүнээс улбаалж “Түмний хар үрээ” гэх нэршил ч олноо дэлгэрсэн аж. Тэрбээр Дундговь аймгийн Луус сумаас гаралтай бөгөөд уясан морийг нь хүү нь унадаг юм.
Сонирхуулхад, Б.Отгонбаяр дасгалжуулагчтай “Look TV” багт залуу уран бүтээлч Morning star буюу Б.Аззаяа тоглох юм байна.
