МСБХ-ны Үндэсний Дээд Лигийн 2023-24 оны улирлын Бүх Оддын тоглолтын санал асуулга энэ сарын 07-ны өдөр дуусаж, эмэгтэй, эрэгтэй багуудын ахлагчид тодорлоо.
Бүх Оддын санал асуулгад эрэгтэй тамирчдаас IHC Apes багийн тоглогч М.Өлзий-Орших, Бишрэлт Металл багийн тоглогч Д.Дэлгэрням нар хамгийн өндөр саналыг авч, Бүх Оддын тоглолтод оролцох хоёр багийн ахлагчаар сонгогдсон бол эмэгтэй тамирчдаас Хасын Хүлэгүүд багийн тоглогч Ө.Индра, Улаанбаатар Амазонс багийн тоглогч Б.Ариунцэцэг нар хамгийн өндөр саналыг авч, хоёр багийн ахлагчаар сонгогдлоо.
Өнөөдөр МСБХ-ны Үндэсний Дээд Лигийн талбайд явагдах Налайх Бизон болон Өмнөговь Ёлууд багуудын тоглолтын эхний хагасын завсарлагаанаар эрэгтэй багийн ахлагчид драфтын зарчмаар өөрсдийн багаа бүрдүүлнэ. Өнөөдрийн сүүлийн тоглолт болох Бишрэлт Металл болон Хасын Хүлэгүүд багуудын тоглолтын эхний хагасын завсарлагаанаар эмэгтэй багийн ахлагчид мөн драфтын зарчмаар өөрсдийн багаа бүрдүүлэх аж.
