Жүдо бөхийн энэ оны анхны Гранпри тэмцээн Португал улсад болж өнгөрлөө. Тус тэмцээнд Монгол Улсаас нийт 15 тамирчин, хоёр хүрэл медаль хүртэв. Тодруулбал, эмэгтэйчүүдийн -48 кг-ын жинд Г.Наранцэцэг хэсэгтээ Японы Хикари Ёошиакад ялагдаж, дагах барилдаан хийх эрхтэй болсон. Улмаар дагах барилдаанаа Сербийн Андреа Стойдиновын эсрэг хийн ялж, хүрлийн төлөө Хойд Солонгосын Сү Сон Жоныг дийлжээ.
Харин эрэгтэйчүүдийн -100 кг-ын жинд Б.Гончигсүрэн хэсгийн аваргын төлөө Испанийн Николоз Шеразадишвилид ялагдсан ч дагах барилдаандаа Киприйн Георгис Круссаниотакисыг, хүрэл медалийн төлөө Японы Кайто Гринийг тус тус ялжээ. Мөн эрэгтэйчүүдийн -66 кг-ын жинд Ё.Басхүү хэсгээ тэргүүлэн хагас шигшээд шалгарсан ч Азербайжаны Яшар Нажафов болон Камран Сулеймановд дараалан ялагдаж, тавдугаар байрт оржээ.
Хоёр хүрэл медаль хүртсэн амжилтаараа Монголын баг 15 дугаар байрт удаалжээ. Харин Япон хоёр алт, хоёр мөнгө, таван хүрэл медальтай чансааг тэргүүлэв.
