Дэлхийн хамгийн өндөр настай гэгдэж байсан Боби өнгөрсөн аравдугаар сард эндсэн. Боби амьсгал хураахдаа 31 нас 165 өдөртэй гэгдэж байсан юм. Тэгвэл түүнийг үнэхээр 31 настай байсан эсэхийг Гиннесийн комисс шалгаж эхэлжээ.
Үүнтэй холбогдуулан Бобигийн тогтоосон рекордыг түр зуур хүчингүй болгосон байна. Гиннесийн албаны хэвлэлийн төлөөлөгч “CNN” агентлагт “Хянан шалгах ажиллагаа үргэлжилж байгаа ч бид бүх баримт, мэдээллийг цуглуулж дуусах хүртэл хамгийн өндөр настай нохой, түүхэн дэх хамгийн өндөр настай нохой гэх хоёр амжилтыг түр зүх хүчингүй болгохоор шийдсэн” гэж хэлсэн юм.
Португалийн Лейри мужийн мал эмнэлгийн алба Бобиг 1992 онд төрж, бүртгүүлсэн гэж мэдэгдэж байсан. Мөн Гиннесийн амжилт өнгөрсөн жилийн хоёрдугаар сард Бобид рекорд олгохдоо Португалийн засгийн газраас гаргасан гэрийн тэжээвэр амьтдын мэдээллийн сан болох “SIAC” мөн түүний насыг баталсан гэж мэдээлсэн байна.
Гэхдээ Бобиг амьсгал хураасны дараа түүний насыг баталсан баримтад эргэлзэх хүмүүс олширчээ. Ийм учраас Гиннесийн амжилтын алба рекорд тогтоох хүсэлт гаргахад оролцсон мэргэжилтнүүдтэй холбогдож, Бобигийн насыг шалгаж байгаа юм.
