Олон улсын кино наадмуудаас шилдэг бүтээлийн цөөнгүй шагнал хүртээд буй “Трио” уран сайхны киноны найруулагч, жүжигчин Д.Баттөмөр тус кинонд бүтээсэн дүрээрээ АНУ-ын “Seattle Filmmaker Awards” наадмаас “Шилдэг эрэгтэй жүжигчин” шагнал хүртжээ.
Тэрээр “Trio киноны ес дэх навч, АНУ-ын Seattle Filmmaker Awards наадмын “Шилдэг эрэгтэй жүжигчин боллоо. Trio чуудаа дахиад зөндөө олон навч, шагнал, наадам биднийг хүлээж байна. Чүү чүү” хэмээн шагнал авсан сэтгэгдлээ өөрийн цахим хуудсаараа хуваалцжээ
Киноны найруулагч, жүжигчин Д.Баттөмөр Трио киноныхоо нээлтийн үеэр “Дэлхийн хүмүүс олон хэлээр ярьдаг ч бидэнд дундын ганц л хэл бий. Энэ бол хайр. Ийм л санааг илэрхийлэн үзүүлж буй уран бүтээлийг хуульч О.Алтангэрэл найзтайгаа хамтарч бичсэн. Би энэ киногоо ээждээ зориулж бүтээсэн” хэмээн хэлж байсан юм.
