Израил цэргүүд Йордан голын Баруун эрэгт байрладаг эмнэлэгт эмнэлгийн хувцас өмсөн тусгай ажиллагаа явуулж зэвсэглэсэн бүлгийн гурван гишүүнийг хөнөөжээ. Израилын ойролцоо хоёр Палестин газар нутаг бий. Нэг нь Газын зурвас нөгөө нь Йордан голын Баруун эрэг юм.
Баруун эрэг дэх Палестины эрүүл мэндийн яам Израилыг эмнэлэг дотор аллага үйлдлээ гэж шүүмжилжээ. Израилын зэвсэгт хүчин Женин хот дахь Ибн Сина нэртэй эмнэлэгт террорист бүлгийн гурван гишүүн орогнож, тэдний нэг нь халдлага үйлдэхээр төлөвлөж байсан аж.
Хамас энэ талаар мэдэгдэл гаргахдаа Израилын цэргүүд гурван байлдагчийг хөнөөсний нэг нь тус бүлгийн гишүүн байсан хэмээжээ. Палестины Исламын Жихад нэртэй өөр нэг экстремист бүлэг Ибн Сина эмнэлэгт хэвтэн эмчлүүлж байсан хоёр гишүүн нь амь үрэгдсэн гэж мэдэгдсэн байна.
Тус эмнэлгийн захирал Нажи Наззал “Reuters” агентлагт хэлэхдээ “Тэд өрөөнд унтаж байсан гурван эрэгтэйг цаазалсан. Эмчилгээ авч байсан өрөөнд нь тэднийг толгой тус газар луу нь буудаж алсан” гэжээ.
Олон улсын Улаан загалмай нийгэмлэг (ICRC) халдлага болсонд занаа зовниж буйгаа илэрхийлсэн байна. “ICRC” мэдэгдэл гаргахдаа “Олон улсын хүмүүнлэгийн хуулиар эмнэлэг, өвчтөнүүд хамгаалагддаг” хэмээсэн юм.
Эх сурвалж: BBC
