Шинэ яармагт байрлах “Мөсөн өргөө” цогцолбор ирэх сарын 6-7-нд өвлийн олимпын хамгийн сонирхолтой төрөл болох уран гулгалтын гайхамшгийг мэдрүүлсэн 2 өдрийн тоглолт болох гэж байна. Энэ удаа ОХУ-ын дэлхийд данстай, олимпод цуутай алдарт уран гулгагчид хүрэлцэн ирж үзүүлбэрээ сонирхуулах ажээ.
Тодруулбал, ганцаарчилсан төрлөөр олимпын аварга, Европын аварга Камила Валиева, дэлхийн болон Европын аварга Елизабета Туктамышева, Европын аварга Евгений Семененко, Дмитрий Алиев нар уран гулгалтын гайхамшгийг мэдрүүлэх юм байна. Мөн хосын төрлөөр Европын хоёр удаагийн аварга, олимпын мөнгөн медальт Евгения Тарасова, Владимир Морозов нар ирэх тавдугаар сарын 6-7-нд уран гулгалтаа сонирхуулах ажээ.
Энэхүү арга хэмжээг Засгийн газрын хэрэгжүүлэгч агентлаг Биеийн тамир, спортын улсын хороо хөрш орнуудтай хамтын ажиллагаагаа өргөжүүлэх зорилгоор зохион байгуулж байгаа юм байна. Уран гулгалтын тоглолтод нийт 24 үзүүлбэр багтах бөгөөд нэг өдрийн тоглолт нь 2 цаг 15 минут үргэлжлэх аж.
