Өчигдөр Парисын олимпын наадмын сонгомол барилдаан, чөлөөт бөхийн эхний медальтнууд тодорлоо. Гол үйл явдал нь Кубын домог Михаин Лопесын (130 кг) олимпын 5 дахь алтан медаль байлаа. Алтан медалийн төлөө Лопес Чилийн куба бөх Ясмани Акоста Фернандесийг 6:0 яллаа. Тэрээр бөхийн төрөлд цорын ганц олимпын 5 удаагийн аварга болж байгаа юм. Мөн хамгийн ахмад аварга бөхийн рекордыг шинэчлэн тогтоосон. Наймдугаар сарын 20-нд Лопес 42 нас хүрэх юм. Хуучин рекордыг Финландын сонгомол бөхийн тамирчин, 1920 оны олимпын аварга Адольф Линдфорс 41 нас, 190 хоногтойгоор эзэмшиж байв.
