МСБХ-ны М Хөгжлийн Лигийн баруун бүсээс “Ондилт” баг зүүн бүсээс “Хасын Хүлэгүүд” багууд шалгарч аваргын төлөө тоглохоор боллоо.
Хасын Хүлэгүүд баг улирлыг /11-4/ амжилттай дуусгаж зүүн бүсийн тэргүүн байраар шалгаран плей-оффын эхний шатанд Сэлэнгэ Бодонс багтай таван тоглолтыг хийж 3-2 харьцаатай ялалт байгуулсан ба бүсийн аваргын төлөө зүүн бүсийн гуравдугаар байраар шалгарсан Чандмань Rivers Минжит Булган багтай таарч 3-0 харьцаатай илүүрхэн шигшээ цувралд шалгараад байгаа юм.
Харин “Ондилт” багийн хувьд улирлыг /11-6/ амжилттайгаар баруун бүсийн хоёрдугаар байраар шалгарсан бөгөөд плей-оффын эхний шатанд Ундарга Knights багийг 3-0 харьцаатай илүүрхсэн ба бүсийн аваргын төлөө баруун бүсийн тэргүүн баг болох Сүхбаатар багийг мөн 3-0 харьцаатай илүүрхэж аваргын төлөө тоголхоор шалгараад байгаа юм. Мөн Ондилт багийн хувьд одоогийн байдлаар Плей-офф-д нэг ч хожигдол амсаагүй цорын ганц баг байгаа билээ.
МСБХ-ны М Хөгжлийн Лигийн Эрэгтэй Шигшээ цувралын тоглолтууд нэгдүгээр сарын 27-ноос Спорты төв ордонд явагдах юм.
