Шинээр батлагдсан хуулийн хүрээнд холбогдох дүрэм, журам, шийдвэрийн төсөлд иргэдийн саналыг авч байна.
Нийслэлийн замын хөдөлгөөний түгжрэлийг бууруулах, гэр хорооллыг орон сууцжуулах тухай хууль болон дагалдан гарсан бусад хууль тогтоомжийн хэрэгжилтийг хангахтай холбогдуулан шинээр дүрэм, журам, шийдвэрийн төслийг боловсруулж буй.
Тодруулбал
- Нийслэлд олгох тээврийн хэрэгслийн улсын бүртгэлийн дугаарын тооны дээд хязгаарыг тогтоох тухай Нийслэлийн иргэдийн Төлөөлөгчдийн хурлын тогтоолын төсөл
- Мал аж ахуй эрхлэхийг хориглосон бүсийн хил, хязгаарыг тогтоох, хориглосон бүсэд нэвтэрсэн малыг түр хадгалах, түүнтэй холбогдон гарсан зардлыг нөхөн төлүүлэх журмын төсөл
- Нийслэлийн нийтийн тээврийг хөгжүүлэх сангийн хөрөнгийг бүрдүүлэх, захиран зарцуулах, хяналт тавих журмын төсөл
- Нийслэлийн нийтийн тээврийг хөгжүүлэх сангийн дүрмийн төсөл
- “Тогтоолд нэмэлт, өөрчлөлт оруулах тухай” Монгол Улсын Засгийн газрын тогтоолын төсөл
- Барилга барих зориулалтаар олгосон газар нь цэцэрлэг, ногоон байгууламж, авто зогсоолын шаардлага хангаагүй тохиолдолд үл хөдлөх эд хөрөнгөд ногдуулах албан татварын хэмжээг нэг хүртэл хувиар нэмэгдүүлэн тогтоох ажиллагааг хэрэгжүүлэх журмын төсөлд иргэдээс санал авч байна.
Иргэн та тус төслүүдтэй Энд дарж танилцаж, холбогдох саналыг uitumen.g@ulaanbaatar.mn цахим хаягт ирүүлэх боломжтойг мэдээллээ.
Эх сурвалж: НЗДТГ-ын Хэвлэл мэдээлэл, олон нийттэй харилцах хэлтэс
