ОХУ хоёрдугаар сарын 7-нд усан онгоц эсэргүүцэгч “3M22” Циркон дуунаас хурдан далавчит пуужинг ашиглажээ. Украины Шинжлэх ухааны судалгааны хүрээлэнгийн Шүүхийн шинжилгээний хүрээлэнгийн захирал Олександр Рувины хэлснээр энэ нь Оросын бүрэн хэмжээний түрэмгийлэл эхэлснээс хойш анх удаа Циркон пуужин ашигласан тохиолдол аж.
Циркон пуужингийн халдлагын улмаас таван хүн амиа алдаж, 50 гаруй хүн шархадсан байна. Рувин пуужингийн сэгийг харуулсан бичлэгийг телеграмдаа нийтлээд, Циркон пуужин гэх урьдчилсан дүгнэлт хэлжээ. “Пуужингийн эд анги, хэлтэрхий дээрх тэмдэглэгээ, таних тэмдэг, онцлог зэрэг нь үүнийг нотолж байна. Хэд хэдэн хэлтэрхий дээр “3L22″ гэсэн бичээс байна. Мөн жолооны механизмын боолтыг 26 гэсэн тоогоор тэмдэглэсэн нь Циркон пуужингийн бас нэгэн онцлог шинж юм” гэж Рувин хэллээ.
Пуужингийн хаягдал дээрх бусад тэмдэглэгээг харвал түүний бүрэлдэхүүн хэсгүүдийг 2023-2024 оны хооронд үйлдвэрлэсэн байх магадлалтай.
Циркон хэт авианы пуужин Оросын армийн зэвсэглэлд 2023 оны эхээр орсон. Энэ нь 600-1500 километрийн тусгалтай, дуунаас ес дахин хурдтай, 300-400 кг жинтэй байлдааны хошуутай.
Эх сурвалж: THE KYIV INDEPENDENT
