Энэ оны арваннэгдүгээр сард АНУ-ын Ерөнхийлөгчийн сонгууль болно. Үндсэн санал хураалт болохоос өмнө нам тус бүрээс боломжит хүмүүс мужийн өрсөлдөөн явуулж байна. Нэр дэвшигчид одоогоор хасагдаагүй ч ихэнх нь Дональд Трамп болон Жое Байден нарын сүүдэрт дарагджээ.
Дональд Трамп эхний кампанит ажлаараа Иова мужид дийлэнхийн саналыг авч ялснаар нэг намын нэр дэвшигчид нь кампанит ажлаа зогсооход хүрчээ. Иова мужийн санал өгсөн иргэд эхний шатаар Дональд Трампийг сонгосон нь түүнийг энэ удаагийн сонгуульд гол тоглогч болсныг илтгэж байна. Ардчилсан намаас мөн адил бусад нэр дэвшигчдээс илүү Жое Байден тэргүүлж буй.
Ардчилсан намын нэр дэвшигчид
Жозеф Р.Байден Жр /одоогийн Ерөнхийлөгч, 82 настай/
Ерөнхийлөгч Байден 2020 оны сонгуулиар ялалт байгуулсны дараа бөрийгөө Трампын дэгдээсэн үймээн самууныг тогтворжуулагч, ардчиллын хамгаалагч хэмээн нэрийдсэн. Тэрбээр дэд бүтцийн томоохон өөрчлөлт, Бүгд найрамдах намын эсэргүүцдэг үр хөндөлтийн эрх гэх мэт Ардчилсан намын тэргүүлэх үзэл бодлоор кампанит ажил явуулах төлөвтэй байна. Мөн Байден хамгийн өндөр настай Ерөнхийлөгчөөр дахин сонгогдох хүсэлтэй байгаа нь намынхны санааг зовоож буйг ажиглагчид онцолжээ.
Дин Филлипс / Миннесотагийн төлөөлөлгч, 56 настай/
Төлөөлөгчдийн танхимд 2018 онд сонгогдсон ба нэг намын Байденаас бодлогын хувьд санал зөрөлддөг. Түүнийг нас залуу, төдийлөн нөлөөгүй гэж үздэг учраас өрсөлдөхөд тэнцэхгүй гэж үздэг байна. Миннесотагийн архины бизнесийн өв залгамжлагч, Таленти желато компанийн ТУЗ-ийн дарга асан Филлипс намаас сонгогдсон ихэнх албан тушаалтнуудын хүслийн эсрэг ерөнхийлөгчийн сонгуульд нэр дэвшихээр төлөвлөсөн. Улмаар Филлипс Ардчилсан ордны удирдлагын албан тушаалаа орхисон байна.
Бүгд найрамдах намын нэр дэвшигчид
Дональд Ж.Трамп /Ерөнхийлөгч асан, бизнесмэн, 78 настай/
Ерөнхийлөгч асан Дональд Трамп 2020 онд алдсан суудлаа эргэн авахаар төлөвлөж байна. Тэрбээр өнгөрсөн дөрвөн жилийн хугацаанд хууль эрх зүйн асуудлуудтай нүүр тулж байсны нэг нь Конгрессын танхимд гарсан халдлага юм. Гэхдээ энэ халдлага түүний зохион байгуулсан зүйл нь эсвэл урхи байсан уу гэдэг нь эргэлзээтэй. Учир нь тэрхүү халдлагыг зориуд зохион байгуулсан байх өндөр магадлал бүхий баримтууд хожим ил болсон юм. Хэдийгээр Бүгд найрамдах нам доторх нөлөө нь бага зэрэг буурч, төрийн эрх баригчид болон Хууль зүйн яамнаас хуулийн дагуу мөрдөн байцаалтын ажиллагаатай тулгарсан ч тэрбээр маш олон, туйлын тууштай дэмжигчидтэй.
Никки Хейли /НҮБ-элчин сайд, засаг дарга асан, 53 настай/
Трампын засаг захиргааны үед Өмнөд Каролина мужийн амбан захирагч асан, НҮБ-ын Элчин сайдаар ажиллаж байсан. Никки Хейли өөрийгөө “шинэ үеийн удирдагчдын нэг” хэмээн танилцуулж, Энэтхэгийн цагаач гэр бүлийн гишүүн тэрбээр өөрийн туршлага дээр үндэслэн кампанит ажлаа явуулж байна. Түүнийг 2015 онд Өмнөд Каролина дахь Капитолын талбай дээрх Холбооны байлдааны далбааг буулгахыг уриалсны дараа Бүгд найрамдах намын өсч яваа од гэж сайшаагддаг болжээ. Гэвч түүний намын байр суурь ганхсан.
Райан Бинкли / Бизнесмэн, номлогч, 57 настай/
Райан Бинкли нь худалдан авах фирмийн ерөнхийлөгч, Техас дахь сүмийн номлогч юм. Тэрбээр өмнө нь нэг ч удаа албан тушаал хашиж, сонгуульд нэр дэвшиж байгаагүй.Бинкли өөрийгөө партизаны хуваагдлыг даван туулж чадах “нэгдмэл” нэр дэвшигч гэж сурталчилдаг. Тэрбээр цахим хуудаснаа “Бид Бурханд хандаж, иргэдийнхээ сайн сайхныг олж харан, бие биедээ дахин нэг удаа итгэхээр шийдвэл бүх алдааг засч залруулж чадна” гэж нийтэлсэн. Блинки цагаачлалын шинэчлэл, холбооны төсвийг долоон жилийн хугацаанд тэнцвэржүүлэх зэрэг мөрийн хөтөлбөрөөр энэ удаагийн сонгуульд өрсөлдөж байна.
Бие даасан, гуравдагч намын нэр дэвшигчид
Роберт Ф. Кеннеди Жр / вакцины эсрэг тэмцэгч,71 настай/
Ерөнхийлөгч асан Жон Кеннедигийн төрсөн дүү Роберт Ф.Кеннеди нь вакцины эсрэг тэмцэгч юм. Тэрбээр анх аравдугаар сард Ардчилсан намаас нэр дэвшихээр төлөвлөж байсан ч бие даан нэр дэвшинэ гэдгээ зарласан. Роберт Кеннеди хүүхдийн вакцин нь аутизмтай холбоотой гэж үздэг ба коронавирусын эсрэг вакцин болон бусад тахлын вакцин нь нацистуудын ажиллагаа гэж зүйрлэж байжээ. Нэгэн цагт Хадсон голыг цэвэрлэхэд тусалсан байгаль орчны хуульч байсан түүний вакцины эсрэг хийсэн “загалмайтны аян дайн” нь улс төртэй нягт холбоотой гэр бүлийг нь зовоож байв.
Корнел Уэст /профессор, дэвшилтэт идэвхтэн, 72 настай/
Корнел Уэст нь Йел, Принстон, Харвардад багшилж байсан . Одоогоор философийн профессороор ажиллаж байна. Тэрбээр ерөнхийлөгч асан Барак Обамаг хурцаар шүүмжилсэн зэрэг дэвшилтэт идэвх зүтгэлээрээ алдартай. Доктор Уэст эхлээд сенатор Берни Сандерсийн сонгуулийн кампанит ажлын доор Ардын намаас дэвшинэ гэж мэдэгдсэн байна. Үүний дараа тэрбээр Ногоон намаас нэр дэвшихээр хөөцөлдөж байсан ч бие даан нэр дэвшихээр болжээ.
Жилл Стейн/ Доктор, идэвхтэн, 74 настай/
Ногоон намаас 2012,2016 онд ерөнхийлөгчийн сонгуульд нэр дэвшиж байсан эмч Жилл Стайн гурав дахь удаагаа намаасаа нэр дэвшихээр төлөвлөж байна. Тэрбээр кампанит ажлаараа хөдөлмөр эрхлэх, эрүүл мэнд, орон сууц, хоол хүнс, боловсрол эзэмших эрхийг багтаасан “эдийн засгийн эрхийн хууль”-ийг гаргахыг уриалсан. Мөн уур амьсгалын өөрчлөлттэй тэмцэх, үр хөндөлт, трансжендерийн эрхийг хамгаалахад дэмжлэг үзүүлэхээ онцолсон байна. Стейн 2016 онд 1.4 сая орчим санал авсан ба Ардчилсан намын зарим гишүүд түүнийг эгзэгтэй мужуудад Хиллари Клинтоноос дэмжлэг авсан гэж буруутгаж байсан.
Эх сурвалж: THE NEWYORK TIMES, Wikipedia
