Тус улсын баруун өмнөд буланд, Азовын тэнгисийн дагуу байрлах Оросын Приморско-Ахтарск агаарын баазад хуурамч сөнөөгч онгоцуудыг будсан байв. “Planet Labs PBC”-ийн өнгөрсөн арванхоёрдугаар сарын 28-нд авсан хиймэл дагуулын зураг дээр сөнөөгч онгоцууд дараалан зогсч байгааг харж болно. Эгнээ дотор хоёр сөнөөгч онгоцны хуурамч дүрс харагдах бөгөөд эдгээр нь бусад онгоцны хөх, саарал өнгөтэй адилгүй цайвар өнгөөр тодорч харагдах аж.
Приморско-Ахтарскаас гадна өөр олон баазад хууран мэхлэлтийн тактикийг ашиглажээ. Тухайлбал, өнгөрсөн зургадугаар сарын 26-нд ойролцоох Йейскийн агаарын баазын хиймэл дагуулаас авсан зургаас сөнөөгч онгоцыг дуурайлган будсан зургууд ажиглагдсан байна. Үүнээс хэдэн долоо хоногийн дараа дээрх зургуудыг арилгаж, жинхэнэ сөнөөг онгоцнуудыг байрлуулсан байв.
Хуурамч сөнөөгч онгоцыг зурснаар Орос улс баазад хэдэн нисэх онгоц байгаа, хэзээ довтолгоонд орж, үйл ажиллагааны хэв маяг нь ямар байгааг нуухыг оролдож байна. Энэ бол харьцангуй хор хөнөөлгүй, хямд тактик бөгөөд Орост ашигтай гэж мэргэжилтнүүд дүгнэж байна.
