Хаанбанкны картаа алдсан иргэний данснаас 600 мянга хүртэлх төгрөгийн гүйлгээ гарлагаджээ. Ингэхдээ 50 мянган төгрөгөөс доош дүнгээр арав гаруй удаагийн үйлдэл гаргасан учраас пин код нэхээгүй аж.
Энэ талаар карт эзэмшигч цахим орчинд “ХААНбанк ёстой дүүрчихсэн газар байна. Картаа би хаяснаа мэдээгүй явж байтал өнөөдөр миний данснаас 600 мянган төгрөгийн гүйлгээ хийсэн байна. Пин код гэж юунд хэрэгтэй юм. 50 мянган төгрөгөөс доош гүйлгээнд пин нэхдэггүй гэнэ. Үг нь сижигтэй гүйлгээ хийгдлээ гээд автоматаар түр хаадаг баймаар юм. Америкт бол тэгдэг. Нэг газраас олон гүйлгээ хийхээр шууд хаачихдаг. Дүнжингарав худалдааны төвийн “Сувд кашмиер”-аас 10 гаран удаа гүйлгээ хийж байхад яагаад худалдагч хулгайн карт уншуулаад байна гэж бодохгүй гүйлгээ хийгээд байсан юм. Дээр дооргүй хулгайчид байна. Банк бараг л “Таны хохь” гэлээ. Цагдаад ханд” гэж зөвлөсөн хэмээн шүүмжлэлтэй хандаж байгаагаа илэрхийлсэн юм.
Бид мэдээллийн тэнцвэртэй байдлыг хангах үүднээс уг мэдээлэлтэй холбогдуулан Хаанбанкнаас тодруулга мэдээлийг авлаа.
Хаанбанкны Олон нийттэй харилцах ахлах мэргэжилтэн Г.Оюунгэрэл хэлэхдээ “2020 оны долдугаар сард картнаас пин код шаардахгүй байх хязгаарыг Монголбанкнаас 10 мянган төгрөг байсныг 100 мянган төгрөг болгож нэмэгдүүлэн баталсан. Зарим банкууд уг журамд тулган 100 мянга хүртэлх гүйлгээнд пин код шаарддаггүй. Харин манай банк 50 мянга хүртэлх дүнд пин шаардахгүй байхаар тогтсон. Тиймээс Монголбанкны журмыг үндэслэн ХААН Банкны картууд ХААН Банкны ПОС дээр зайнаас уншуулахад 50 мянган төгрөг хүртэлх дүнд ПИН код баталгаажуулалт шаарддахгүй” гэлээ.
Уг журмыг шар өнгөөр тодруулан хавсаргалаа.
