Нийтийн тээврийн парк шинэчлэлийн хүрээнд БНХАУ-аас нийт 600 шинэ автобусыг энэ сард багтаан оруулж ирж буй. Тэдгээр автобус нь гар утас цэнэглэх USB оролт, хяналтын камер зэргээр тоноглогдож, иргэдийн тав тух аюулгүй байдлыг хангаад байна. Гэвч шинэ автобусны USB оролт руу иргэд бохь чихсэн гэх мэдээлэл гарсан тул Нийслэлийн нийтийн тээрийн газраас тодрууллаа.
Нийслэлийн нийтийн тээврийн газрын хэвлэл мэдээллийн мэргэжилтэн хэлэхдээ “Шинээр ирсэн автобуснууд Улаанбаатар хотод ирмэгцээ маргааш нь юм уу нөгөөдөр нь хөдөлгөөнд орж байгаа. Иргэд шинэ автобусанд сэтгэл хангалуун байгаа бөгөөд маш хайр гамтай хандаж байна. Гэхдээ хоёр удаагийн USB нүхний оролтод хог болон бохь чихсэн асуудал гарсан. Энэ тохиолдол манай байгууллагад бүртгэгдэж байгаа ч автобусыг ашиглаж буй ААН өөрсдөө хариуцдаг. Мөн жолоочид маань шинэ автобусаа гамнаж, өглөө бүр шалгаад хөдөлгөөнд орж байгаа. Энэ үеэрээ жолоочид нэг удаа бохь, өөр нэг тохиолдлоор хог чихсэн явдлыг олж мэдсэн. Тэр даруйдаа цэвэрлээд явсан байна лээ” гэв.
