ЗГХЭГ-ын дарга Д.Амарбаясгалан Засгийн газраас хэрэгжүүлж буй “Шүүр” ажиллагааны хүрээнд төрийн албанаас чөлөөлөгдөж болзошгүй 6000-8000 хүний асуудлыг ярих нөхцөл бүрдсэн” хэмээн мэдэгдэж байсан. Тэрээр “Цар тахлын хуулийн хэрэгжилт энэ оны нэгдүгээр сарын 1-ээс зогссон. Ингэснээр төрийн болон төрийн өмчит үйлдвэрийн газрын 2000 орчим албан тушаалтан, албан хаагчийг ажлаас нь чөлөөлсөн гэдгийг хэлсэн.
Гэхдээ эдгээр албан хаагчид Төрийн албаны шалгалт болон бусад шаардлагатай шалгалтад хамрагдсаны үндсэн дээр эргэн жинхлэх боломжтой юм байна.
Харин 2023 оноос эхлэн гавьяаныхаа амралтад гарсан иргэн төсвөөс цалинжихгүй байх зохицуулалттай. Өнөөдөр 5000 орчим хүн тэтгэвэр авахын зэрэгцээ төрийн албанд ажиллаж байна. Тиймээс онцын шаардлагагүй орон тоон дээр төрөөс давхар цалинжиж байгаа зааг ялгааг нь цэгцэлнэ. Энэ асуудалд анхаарч шаардагдах хуулийн зохицуулалтыг хийнэ” гэсэн юм.
Мөн “Төрийн албаны тухай хуулиар ажлаас чөлөөлөгдөх албан хаагчид нэг сарын өмнө мэдэгдлийг хүргүүлдэг. Гэтэл ЗГХЭГ-ын даргын гарын үсэгтэй албан бичгийг үндэслэн ажлаас нь чөлөөлж, хууль зөрчин шүүх хяналтын байгууллагаар асуудлыг шийдүүлэх гэсэн сонирхлыг бий болгож байна. Энэ тал дээр бүх шатанд анхаарч ажиллах шаардлагатайг сануулжээ.
Ямартай ч Монгол Улсын Засгийн газраас хууль зөрчиж томилогдсон мэргэжлийн бус төрийн албан хаагчдыг чөлөөлж, хуулийн зохицуулалтын дагуу төрийн албыг цэвэрлэх юм байна.
