Авлига, албан тушаалын хэрэгт шалгагдаж байхдаа улсын хилээр гарч явсан Засгийн газрын гишүүн асан Т.Бадамжунайг “Шувуу” ажиллагааны хүрээнд 2023.04.05-нд Филиппин улсаас Монголд авчирч, мөргөн шалгах ажиллагааг үргэлжлүүлэн явуулж байгаа билээ.
Т.Бадамжунай гэх эрхэм цагтаа Монголын улс төрийг “базаж”, өндөр албан тушаалд заларч яваа олон том дарга нар, улстөрчдийн зам мөрийг зааж чиглүүлж явсан гэдгийг улстөрийн хүрээнийхэн ярьсаар буй. Тэр утгаараа түүний мэдүүлэг, туулж ирсэн замнал газрын наймаа, албан тушаалын наймаа, авлигын гэмт хэргүүд гээд дуусахгүй урт зүйл гарч ирэх нь дамжиггүй юм.
Тэгвэл Хүнс, хөдөө аж ахуй хөнгөн үйлдвэрийн сайдаар ажиллаж байсан Т.Бадамжунайг цагдан хорьсон хугацаа энэ сарын 7-ны өдөр дуусах учир түүнийг үргэлжлүүлэн хорих уу, эсвэл…гэдэг асуудал хэлэлцэгдэж байгаа аж. Прокурорын байгууллагаас Т.Бадамжунайг үргэлжлүүлэн хорих саналаа шүүхэд хүргүүлсэн гэх мэдээлэл яригдаж эхлэв. Ямартай ч Жу гишүүнийг үргэлжлүүлэн хорих эсэх нь энэ 7 хоногт шийдэгдэх аж.
