Израилийн Батлан хамгаалах хүчин Сири дэх Исламист Хамас бүлэглэлийн пуужингийн мэргэжилтэнг хөнөөсөн гэж телеграм хуудсандаа Даваа гаригт мэдээллээ. Амиа алдсан пуужингийн мэргэжилтэн нь Хассан Хакаша гэгч бөгөөд сүүлийн долоо хоногт Сириэс Израиль руу пуужин харвах ажиллагааг удирдсан гол хүн юм.
Сирийн нутаг дэвсгэрээс алан хядах ажиллагаа явуулахыг зөвшөөрөхгүй гэж Израиль мэдэгдсэн. Өөрийн нутаг дэвсгэрээс гарч буй бүх үйл ажиллагааны хариуцлагыг Сири хүлээх болно гэжээ.
Мөн өдөр Ираныг дэмжигч Хезболла бүлгийн командлагч Ливаны өмнөд хэсэгт амиа алджээ. Виссам аль-Тавил нь Хассан Хакашагаас хэдхэн цагийн өмнө Израилийн нисгэгчгүй онгоцны халдлагад өртөн Ливанд нас барсан байна. Ливаны төрийн мэдлийн Үндэсний мэдээллийн агентлагийн мэдээлснээр Израилийн нисгэгчгүй онгоц 10:15 цагийн орчимд Хирбет Селм хотын аль-Дабшахт Виссам аль-Тавилын сууж явсан машинд нисгэгчгүй онгоцоор халджээ.
Нэмж дурдахад, Газын зурвас дахь мөргөлдөөнтэй холбоотойгоор палестинчуудын эсрэг хүчирхийлэл нэмэгсдээр байна. Хезболлагийн парламентын блокийн тэргүүн Мухаммед Раад Даваа гаригт мэдэгдэл хийхдээ “Газын зурвас дахь түрэмгийлэл зогсохгүй бол хүчирхийлэл ч зогсохгүй” гэжээ.
Эх сурвалж: DPA INTERNATIONA
