Халдварт өвчин судлалын үндэсний төвөөс COVID-19, омикроны дэд хувилбар дахин тархаж байгааг анхаарууллаа. Тодруулбал, дэлхий дахинд омикроны дэд хувилбар илэрч байгаа бөгөөд энэ нь омикрон-9 хувилбар биш. Тус өвчнөөр өвчилж буй иргэдэд коронавирусийн халдвартай ижил шинж тэмдэг илэрч байгаа аж.
ХӨСҮТ-ийн Тандалт, судлал эрхэлсэн дэд захирал Ж.Байгалмаа “ДЭМБ-ын мэдээллээр Covid-19 дэлхий дахинд тархсанаас ойш 765 сая тохиолдол бүртгэгдэж, 6.9 сая хүн нас барсан байна. Дэлхий нийтэд омикроны дэд хувилбар болох XBB1-5 тархаж байна. Манай улсын хувьд 205 шинэ тохиолдол бүртгэгдлээ. Омикроны дэд хувилбар болох XBB1-5 хүнээс хүнд халдварлах хурд их ч хүндрэл бага. Гэхдээ өвчлөл нэмэгдэхийн хэрээр хүндрэл бий болно” гэлээ.
Тавдугаар сарын 12-ны байдлаар ХӨСҮТ-д 101 хүн Covid-19-өөр өвдөн эмчлүүлж байна. Үүнээс жирэмсэн 19, төрсний дараа 2, хүүхэд 27 байна. Биеийн байдлаар нь авч үзэхэд нэн хүнд 3, хүнд 7 хүн байна. Хамар битүүрэх, ядрах, үе мөчөөр өвдөх шинж тэмдэг илэрч байна. Мөн хуурхай ханиах, хоолой өвдөх, толгой өвдөх, нусгайрах шинж тэмдэг илэрч байна
Улирал шилжих үеэр хүний дархлаа суларч гар хөлийн өвчин дэгддэг. Ялангуяа хүүхдүүдэд гар хөл амны өвчин ихээр бүртгэгддэг. Уг өвчнөөр өвдсөн тохиолдолд цэврүүт тууралт гардаг. Иргэд гараа тогтмол угааж, амны хаалт зүүх хэрэгтэй. Олон нийтийн газраар онцын шаардлагагүй үед хүүхдээ авч явахгүй байх. Салхин цэцэг, улаанбурхан, гар хөлийн өвчний 90 гаруй хувь нь хөнгөн тусдаг гээд эцэг эхчүүд хайнга хандаж болохгүй. Мөн тоглоомыг нь ариутгах шаардлагатай гэв.
