2024 оны нэгдүгээр сарын 4-нөөс эхэлсэн Нийслэлийн цэргийн бүртгэлд 65 хүртэлх насны офицерууд, 50 хүртэлх насны иргэд хамрагдана.
Иргэд оршин суугаа хорооныхоо Засаг даргын байранд биечлэн очих, эсвэл цахим үйлчилгээний нэгдсэн портал “E-Mongolia”-гаар хүсэлтээ илгээх боломжтой. “E-Mongolia” системээр цэргийн бүртгэл хийлгэсэн тохиолдолд цэргийн үүрэгтний үнэмлэхэд тэмдэглэл хийлгэх шаардлагагүй аж.
Цэргийн бүртгэлд хамрагдаагүй иргэдийг Зөрчлийн тухай хуулийн 15.17 дугаар зүйлийн гурав дахь заалтын дагуу 100 мянган төгрөгөөр торгох хуультай.
Бүртгэлийг ажлын өдөр 08:00-18:00 цагийн хооронд цаасан болон цахимаар явуулж байгаа бөгөөд бүртгэлийн хугацаа нэгдүгээр сарын 19-нд дуусах юм.
