УИХ дахь МАН-ын бүлэг 2023.04.10-ны өдөр хуралдаж, Монгол Улсын эдийн засгийн өнөөгийн нөхцөл байдал, цаашид авч хэрэгжүүлэх арга хэмжээний талаар хуралдаанаас гарсан бодлого, шийдвэрийн талаарх мэдээллээ танилцууллаа. Эдийн засаг, хөгжлийн яам төсөв, эдийн засгийг тогтворжуулах хүрээнд дараах бодлогуудыг авч хэрэгжүүлэх нь зүйтэй хэмээн үзжээ. Үүнд:
-Хөрөнгө оруулалтын тухай хууль, Ашигт малтмалын тухай хуульд оруулах нэмэлт, өөрчлөлтийг ойрын хугацаанд өргөн барихыг Засгийн газарт даалгасан байна.
-Уул уурхайн бүтээгдэхүүнийг биржээр зарах ажлыг өргөжүүлнэ. Нүүрснээс гадна зэс, төмрийн хүдэр, цайр, жонш зэрэг гол экспортын бүтээгдэхүүнийг биржээр зарна.
-Өрхийн орлогыг нэмэх цогц бодлогыг ойрын хугацаанд хэрэгжүүлнэ.
-Сэлбэ, Дунд голыг холбосон 40 км зам барина.
-Төсвийн орлого нэмэгдэх үед төсөвт тодотгол хийх хууль, эрх зүйн орчныг бүрдүүлнэ. Одоогийн хуулиар бол зөвхөн төсвийн орлого буурч, зарлага багасгах үед төсөв тодотгож байна гэдгийг тоймлон дуулгалаа. Мөн Эдийн засаг, хөгжлийн сайд Ч.Хүрэлбаатар: Өрхийн орлого 0.7 функтээр буурлаа. Үүний дотор хөдөөгийн иргэдийн бодит орлого 15.6 хувиар буурсан байна. Тиймээс Засгийн газраас бодлого хэрэгжүүлснээр махны экспорт, арьс ширний экспорт нэмэгдлээ. Энэ бодлогоо тууштай үргэлжлүүлж чадвал энэ ондоо багтаад өрхийн орлогыг нэмэгдүүлэх зорилтоо хэрэгжүүлнэ. Эдийн засгийн өсөлт зургаан хувь байвал үүний цаана үйлдвэрлэл, үйлчилгээний өсөлт байх юм. Одоогийн байдлаар барилга, тээвэр, уул уурхайн салбараас бусад бүх салбар цар тахлаас өмнөх хэмжээндээ очсон гэв.
Б.Туул
