Сингапур улсад болж өнгөрсөн 3х3 сагсан бөмбөгийн Азийн Аварга Шалгаруулах Тэмцээн (ААШТ)-ий шилдгээр Австралийн Тодд Бланчфилд тодорч MVP буюу үнэ цэнтэй тоглогчоор тодорчээ.
Өнгөрсөн жил тус тэмцээнээс мөнгөн медаль хүртсэн Т.Бланчфилд энэ жил хувийн үзүүлэлтээр 47 оноо авч багаа тэргүүлсэн юм. Тэрбээр нийт таван тоглолтод дунджаар 9.4 оноо дундажласан юм.
Түүнчлэн тэмцээний бэлгэдлийн багт Ираны Эсан Далирзахан, Монголын Ариунболдын Ананд нар нэрлэгджээ.
А.Анандын хувьд тэмцээний турш 39 оноо авсан. Ялангуяа хүрэл медалийн төлөөх Шинэ Зеландын эсрэг тоглолтод багийнхаа 21 онооны 15-ыг нь ганцаараа “түүж” багтаа ялалт авчирсан юм.
Эмэгтэйчүүдийн ангилалд шилдгээр нь Австралийн Алекс Уилсон тодорсон. Шинэ Зеландын Шарне Пупуке Робати, Монголын Бат-Эрдэнийн Ариунцэцэг нар тэмцээний бэлгэдлийн багт нэрлэгдлээ.
Манай эмэгтэй багаас Ө.Индра 26, Б.Ариунцэцэг 25, О.Хулан 17, М.Цэрэнлхам 5 оноо авсан юм.
