Говь-Алтай аймагт зочилсан НҮБ-ын Хүүхдийн сангийн суурин төлөөлөгч Эваристе Коуасси Комланд Шарга сумын тэмээчин П.Түвшин тэмээ бэлэглэжээ.
Тэмээчин П.Түвшин тэмээн сүргээсээ бор тором зүслэж бэлэглэсэн бөгөөд Комланд ихэд баярлан, өөрийн тэмээндээ “Johnny” гэдэг нэр өгчээ.
Ташрамд дурьдахад, Эваристе Коуасси-Комлан нь 2021 оны 11-р сард Монгол дахь НҮБ-ын Хүүхдийн Сангийн Суурин төлөөлөгчөөр томилогдсон. Того улсын иргэн бөгөөд дэлхийн олон улс орнууд дахь хүүхдийн аж байдал, тэдэнд тулгамдаж буй асуудлаар ажиллаж байсан, энэ чиглэлээр уур амьсгалын өөрчлөлт болон нийгмийн салбарууд хоорондын уялдаа холбоог хангах, хамтын ажиллагаа, түншлэлийг өргөжүүлэхэд онцгой анхаарал хандуулж ирсэн арвин туршлагатай мэргэжилтэн аж.
