Ирэх зун эхлэх Парисын олимпод оролцох монгол тамирчдын тоо нэмэгдсээр байна. Индонезийн нийслэл Жакарт хотод нэгдүгээр сарын 5-18-нд буудлага спортын олимпийн эрх олгох Ази тивийн аварга шалгаруулах тэмцээн болж байна. Тус тэмцээнд үндэсний шигшээ багийн дасгалжуулагч, МУГД Л.Ундралбат, Ж.Ганхуяг, дасгалжуулагч Д.Лхадорж нарын удирдлага дор 18 тамирчин өрсөлдөж байгаа билээ.
Өнөөдөр/2024.01.12/ тэмцээний урт бууны 50 метрийн гурван байрлалаас буудах дасгалд Н.Баяраа “Парис-2024” зуны олимпийн наадамд оролцох эрхээ авлаа. Тэрбээр Парисын олимпын эрх авчирсан Монгол Улсын найм дахь тамирчин, Монголын буудлага спортын гурхв дахь тамирчин болж байна.
Өмнө нь буудлагаас урт бууны төрөлд О.Есүгэн, гар бууны төрөлд Э.Даваахүү нар олимпын эрхээ авсан юм.
