Гүрж улсын төв сүмд байрлах Жозеф Сталин болон Үнэн алдартны шашны /Ортодокс/ санваартан нар уулзаж буйг дүрслэн зурсан зургийг буулгасан байна.
Сүмийн удирдлагуудын мэдээлснээр дээрх хоёр хүн үнэхээр уулзсан эсэхийг нотлох баримт хангалтгүй байгаа тул ийм шийдвэр гаргасан гэв.
Тус зургийг хэдэн сарын өмнө өөрийгөө барууны үзлийг эсэргүүцэгч хэмээн тодорхойлсон хүн сүмийн удирдлагад бэлэглэсэн аж. Зурагт шашны санваартан Сталинийг адисалж буйг дүрсэлжээ.
Сталин Гүрж улсад төрж, залуудаа санваартан болохоор бэлтгэгдэж байсан ч өөрийн засаглалын хугацаанд олон сая хүнийг устгасан тул тус зургийг хүлээн авсанд олон иргэн дургүйцлээ илэрхийлсэн юм.
Иргэд “Сталинаас болж бидний өвөг дээдэс асар их зовсон” хэмээгээд “бодит түүх” өгүүлсэн зураг байршуулахыг хүсжээ.
Сталиний засаглал Гүржид маргаан дагуулсаар байдаг. Тодруулбал зарим хүн Зөвлөлт Холбоот улсыг үгүйсгэдэг хэр нь их гүрнийг захирч, нацист Германыг ялан дийлсэн хэмээн Сталинаар бахархдаг аж.
Тэрээр 1924 оноос 1953 онд нас барах хүртлээ Зөвлөлт Холбоот улсыг захирч байсан юм.
Эх сурвалж: ВВС
