Өнгөрсөн амралтын хоёр өдрийн хугацаанд Улаанбаатар хотын нийтийн тээврийг шинэ чиглэлээр явуулж эхэлсэн боловч энэ хугацаанд иргэдээс 6,500 санал хүсэлт ирж Ням гарагийн 23:30 цагт хуучин явж байсан 71 чиглэлийг сэргээж байгаагаа зарласан.
Гэвч бодит байдал дээр сэргээсэн 71 чиглэл нь ямар байдалтай байгаа талаар иргэдийн Нийтийн тээвэр – Public transport UB группт бичсэн санал гомдлыг түүвэрлэн хүргэж байна. Зорчигчид энэ группт саналаа хэлэхээс гадна, Нийтийн тээврийн газрын 70044040, Нийслэлийн 18001200 утсаар холбогдон санал хүсэлтээ илэрхийлээрэй.
Ч58: 3,4-р хороолол чиглэлд 12 ширхэг автобус үйлчилдэг байсан бол өнөөдөр 4 ширхэг автобус явж байгаа талаар тухайн автобусны жолооч нь иргэдэд тайлбарлан хэлж, энэ чиглэлийн автобусны тоог 3 дахин багасгасан тул яагаад ч багтахгүй та нар битгий чихээч ээ явмаар байна гэж байв.
Мөн хамгийн олон автобус явуулж байгаа М1: Таван шар-Офицеруудын ордон чиглэлд ч чихэлдээн ихтэй байгааг шүүмжилж байна.
