Өнгөрсөн шөнө /2024.01.30/ Баянгол дүүргийн 28 дугаар хорооны нутаг дэвсгэр “Голден парк 2” хотхоны … байрны 9 давхарт гал гарчээ. Галын машин дуудлагаар даруй ирсэн ч байр руу орж чадахгүй цаг гаруй болжээ.
Оршин суугчдын тээврийн хэрэгслийн эмх замбараагүй байршлуулалт ийнхүү галын аюулаас иргэд, эд хөрөнгийг хамгаалахад саад учруулжээ. Тухайн хотхоны оршин суугчид цаашид зогсоол, зай талбайн асуудлаа нэгдсэн зохион байгуулалтаар шийдэж, энэ мэт эрсдлийг тооцоолохгүй бол түймрийн үед тусламж авах боломжгүй гэлээ.
Хэдхэн хоногийн өмнө Дүнжингаравын уулзварт болсон дэлбэрэлтийн үед мөн галын машин орон сууц руу орж чадахгүй нөхцөл байдал үүссэн билээ.
Ямартай ч Голден парк 2-т гарсан уг галын ослын аюулыг хаалгыг нь эвдэж орж намжаасан аж.
