Их Британийн Дербишир мужид оршдог Дерби хотын захиргаа зөгийнд ээлтэй автобусны зогсоол барих болжээ. Тус хотын зөвлөл “Clear Channel” нэртэй компанитай 2022 онд хийсэн гэрээний хүрээнд уугуул ургамлаар бүрхэгдсэн дээвэртэй автобусны буудал байгуулах юм.
2022 оны гуравдугаар сард Дерби хотын захиргаа 90 автобусны зогсоолыг байгаль орчинд ээлтэй хувилбараар солино гэж мэдэгдсэн байна. Тэдгээр зогсоолын тал буюу 45 нь зөгийнд ээлтэй буудал болох аж.
Тус хотын зөвлөлийн гишүүн Кармел Сван “BBC” агентлагт хэлэхдээ тэдгээр буудлын загварыг уугуул био төрөл зүйлийн олон янз байдлыг дэмжих, эрүүл нийгмийг бий болгон, хот суурин газарт ногоон байгууламжийг эргүүлэн авчрах зорилгоор мэргэжилтнүүдтэй хамтран ажилласны дагуу бүтээсэн хэмээжээ.
Хүрээлэн буй орчинд ээлтэй гэгдээд буй автобусны буудлыг ирэх тавдугаар сараас байршуулж эхлэх аж. Дерби хот буудлын мэдэгдэл хийхдээ “Автобусны буудал тус бүрд уугуул зэрлэг цэцэг, ургамлуудыг хольж тарьсан. Ингэснээр сүүлийн жилүүдэд тоо толгой нь цөөрч буй зөгий, эрвээхэй зэрэг олон төрийн тоос хүртээгч шавжуудад тохиромжтой хоол тэжээлийн эх үүсвэр болон амьдрах орчин болно” гэсэн байна.
Эх сурвалж: CNBC
