Өнгөрсөн жилийн зун зэрэг нээлтээ хийсэн “Barbie”, “Oppenheimer” дэлхий дахинаа хит болсон. Тус хоёр кино хэд хэдэн кино шагналын наадмаас олон арван шагнал авсан билээ.
Тэгвэл “Barbenheimer”-ийн шагналын бороо хараахан дуусаагүй аж. Энэ жилийн Грэммийн шагнал гардуулах ёслолоор “Barbie”, “Oppenheimer” хоёул шагнал авсан байна.
Тодруулбал Визуал медиад зориулсан шилдэг дуунуудын эмхэтгэл төрөлд “Barbie The Album”, Визуал медиад зориулсан шилдэг дуу шагналд “Barbie” киноны “What Was I Made For” дуу шагнал хүртжээ.
Харин “Oppenheimer” Визуал медиад зориулсан шилдэг фонограмм төрөлд ялсан байна.
