Илон Маскийн үүсгэн байгуулсан “Neuralink” компани хамгийн анхны удаа хүний тархинд чип суулгасан гэдгээ өнгөрсөн сарын сүүлээр мэдэгдсэн. Тэгвэл Маск тархиндаа чип суулгуулсан хүн компьютерын хулганыг чипээрээ удирдаж чадсан гэжээ.
Тэрбээр даваа гарагт /2024.02.19/ “X Spaces” платформ дээр болсон эвент дээр “Сайн ахиц ажиглагдаж байгаа. Судалгаанд оролцож буй хүний хагалгааны шарх нь бүрэн эдгэрсэн, бас хулгана удирдаж чаддаг болсон. Зөвхөн оюун ухаанаа ашиглан хулганыг дэлгэц дээр хөдөлгөж чадаж байгаа” хэмээсэн юм.
Маск нэмж “Оюун ухаанаар хулганын аль болох товчийг дардаг болгохоор ажиллаж байгаа. Тэгэхээр хулганын баруун, зүүн товч бас дээш доош скроллдох функцийг оюун ухаанаараа хийдэг болгохоор ажиллаж байгаа гэсэн үг. Учир нь хулганаар ямар нэгэн зүйлийг зөөхийн тулд эдгээр функцүүд шаардлагатай” гэжээ.
“Neuralink” компанийн явуулж буй туршилт амжилттай болбол олон сая хүмүүсийн амьдралыг өөрчилж магадгүй юм. Мэдрэлийн тогтолцооны гэмтлээс болж хөдөлж эсвэл ярьж чадахаа больсон хүмүүс тархины чипийн тусламжтай дахин хөдөлж, ярих боломж үүсэж магадгүй билээ.
Эх сурвалж: CNN
