Парис 2024 зуны 33 дахь удаагийн олимп үргэлжилж байна. Олимпын наадамд оролцож буй 184 улсаас наймдугаар сарын 5-ны байдлаар медалийн хүснэгтийг АНУ 71 медальтайгаар тэргүүлж байна.
Тодруулбал АНУ-ын баг тамирчид 19 алт, 26 мөнгө, 26 хүрэл медаль тус тус хүртжээ. Тэгвэл хүснэгтийн хоёрдугаарт 45 медальтайгаар /19 алт, 15 мөнгө, 11 хүрэл/ БНХАУ бичигдэж байна.
Хүснэгтийн гуравдугаар байранд олимпын наадмыг зохион байгуулагч Франц улс оржээ. Тус улсын баг тамирчид 12 алт, 14 мөнгө, 18 хүрэл буюу нийт 44 медаль хүртжээ.
Монгол Улсын хувьд жүдо бөхийн төрөлд 1 мөнгөн медальтайгаар хүснэгтийн 51-т бичигдэж байгаа юм. 
