МАН-ын Удирдах зөвлөл хуралдаж, Хөдөлмөр нийгмийн хамгааллын сайдад Х.Булгантуяаг сэлгэн ажиллуулах, түүний оронд Б.Тулгыг Боомтын сайдад нэр дэвшүүлээд байгаа билээ. Тэгвэл Ерөнхий сайд Л.Оюун-Эрдэнэ дээрх хоёр сайдыг Улсын их хуралд танилцуулж, тангараг өргүүллээ. Хэлэлцсэн асуудалтай холбогдуулан гишүүд асуулт асууж, хариулт авлаа. Энэ талаарх мэдээллийг тоймлон хүргэе.
УИХ-ын гишүүн Ш.Адьшаа: Боомтын сайдаар Б.Тулгыг оруулж ирсэн байна. МАХН, МАН-ын хоорондын улс төрийн тохиролцооны хүрээнд хийж байгаа томилгоо гэж ойлгож болох уу, эсвэл Ерөнхий сайд бүрэн эрхийнхээ хүрээнд бодлогын хүрээнд хийж байгаа томилгоо юу? Х.Булгантуяа ХНХ-ын сайдаар томилогдож байгаа юм байна. Урлаг соёл, төрийн үйлчилгээний албан хаагчид хөдөлмөрийн хөлсний доод хэмжээнд байна. Амьдрал маш хүнд байна. Энэ асуудлыг хэдий хугацаанд шийдэх вэ?
Ерөнхий сайд Л.Оюун-Эрдэнэ: Энэ салбарыг эмэгтэй улстөрч авч явах нь зүйтэй гэж үзсэн учраас Х.Булгантуяа сайдыг нэр дэвшүүлсэн. Яагаад гэхээр энэ бол нийгмийн тулгамдсан олон асуудал байдаг. Эдийн засгийн гурван коридортой холбоотой асуудлыг Б.Тулга залуу нэр дэвшигчийг томоохон дэвшил гаргах боломжтой гэж үзэж байгаа.
ХНХ-ын сайд Х.Булгантуяа: Засгийн газар дээр төрийн албан хаагчдын цалингийн тогтолцоог сайжруулах ажлын хэсэг гараад явж байгаа. Улс төрийн шийдвэр гаргахгүй төрийн албаны цалинг инфляцтай ялдуулж нэмэгдүүлдэг болох шийдвэрийг гаргаж байж манай боловсон хүчин сайжирна.
Б. Оргил
Эх сурвалж: www.cnews.mn
