Бээжин хот 1951 онд агаарын температурыг бүртгэж эхэлснээс хойш үзэгдээгүй хүйтэрсэн байна. “Beijing Daily” агентлаг мэдээлснээр Нанжиао цаг уурын станц ням гарагт /2023.12.24/ сүүлийн хэдэн өдрийн хугацаанд анхны удаа цельсийн тэг хэмээс дээш температур бүртгэж авчээ.
Энэ сар БНХАУ-ын ихэнх бүс нутгуудаар хүчтэй хүйтний давлагаа явж, хойд хэсгийн зарим хотуудад халаалтын дэд бүтцийн ачаалал дээд цэгтээ тулсан байна. Тухайлбал Хятадын төв хэсэгт оршдог Хэнань мужид хэд хэдэн системийн доголдол гарсан аж.
Жиаозуо хот баасан гарагт /2023.12.22/ Ванфан эрчим хүчний станцын үйл ажиллагаа доголдсоны улмаас халаалт хэсэгчлэн зогссон байна. “Jiaozuo Daily” агентлаг мэдээлснээр асуудлыг бямба гарагт /2023.12.23/ шийдэж, ням гарагаас /2023.12.24/ үйл ажиллагааг хэвийн явуулж эхэлжээ.
Мөн Хэнань мужид оршдог Пуянь, Пиндиншан хотууд баасан гарагт эмнэлэг, сургууль, орон сууцны барилгын халаалтыг чухалчлан засгийн газрын ихэнх барилга, төрийн өмчит аж ахуйн нэгжүүдийн халаалтыг зогсоосон байна.
Эх сурвалж: CNN
