Израилийн Ерөнхий сайд Биньямин Нетаньяху Даваа гаригт Газын зурвасын дайн дуусах болоогүй гэж мэдэгдээд түүний засгийн газар ХАМАС-ын эсрэг тэмцлээ зогсоож магадгүй гэсэн хэвлэл мэдээллийн таамаглалыг үгүйсгэв. Тэрбээр “Дайн удаан үргэлжлэх бөгөөд дуусах болоогүй” гэж Ликуд намын хууль тогтоогчдод хандан мэдэгджээ.
Израилийн агаарын довтолгооноос болж дор хаяж 70 хүн амь үргэдсэнийг оршуулгын ёслол Газад Даваа гаригт болсон байна.
Израиль болон Хамас бүлэглэлийн хооронд 11 долоо хоног үргэлжилж буй дайны үеэр Газын зурваст Ням гаригийн шөнө хамгийн олон хүн амь үрэгджээ.
Христийн шашны уламжлал ёсоор Есүсийг 2000 жилийн өмнө Палестины баруун эрэг дэх Израилийн эзэлсэн Бетлехем хотод жүчээнд төрсөн гэж үздэг бөгөөд дайнаас үүдэн Зул сарын баярыг лам нар цуцалжээ. Палестины Христэд итгэгчид Бетлехем хотод Зул сарын баярыг ердийн баяраар биш харин Газад энх тайвны төлөө залбирч, лаа асаажээ.
Хамас болон Исламын Жихад бүлэглэлүүд аравдугаар сарын 7-нд Израилийн хотуудад дайрч, 1200 хүний амийг хөнөөсөн бөгөөд энэ үеэр 240 гаруй хүнийг олзолсны 100 гаруйг нь барьцаанд байгаа гэж Израилийн албаныхан мэдээлсэн байна. Түүнээс хойш Израиль нарийн Газын зурвасыг бүсэлж, ихэнх хэсгийг нь сүйрүүлсэн.
Даваа гаригт Газын эрх баригчдын мэдээлснээр Израилийн агаарын довтолгооны улмаас 20,700 орчим хүн амь үрэгдсэний 250 нь сүүлийн 24 цагийн дотор байна.
ЭХ СУРВАЛЖ: BUSINESS RECORDER
