Үзэгчдийн дунд хүлээлт үүсгээд буй цуврал кинонуудын нэг “The Marvels” кино хэдхэн хоногийн өмнө анхны албан ёсны трейлэрээ цацлаа. Уг кино 2023 оны арваннэгдүгээр сарын 10-ны өдөр нээлтээ хийж, үзэгчдэд хүрнэ гэдгийг уран бүтээлчид нь хэлж байна.
Энэхүү кино нь зөвхөн эмэгтэй гол дүрийн баатруудын тухай өгүүлэх бөгөөд Ахмад Марвел буюу Карол Данверс, Ахмад сансрын нисгэгч буюу Моника Рамбо болон Каролын шүтэн бишрэгч Камала Хан нар хэрхэн сансар огторгуйн адал явдалд нэг баг болон хамтарч, дэлхийг аварч буй тухай өгүүлэх аж.
Мөн Өмнөд Солонгос улсын алдарт жүжигчин Пак Со Жун Холливүүдын карьераа энэхүү киногоор эхэлж байгаа бөгөөд түүнийг Ахмад Марвел буюу Каролын нөхрийн дүрд тоглосон гэх албан бус мэдээлэл ил болоод байна.
Тэрээр “Өшөө авагчид: Ултроны эрин үе” (2015) кинонд Клаудиа Ким нэрээр алдаршсан Сү Хён мөн Ма Дон Сеок буюу Дон Лигийн дараагаар Марвелийн кинонд тоглосон гурав дахь Солонгос гаралтай жүжигчин юм.
Дөрөвдүгээр сарын 11-ний өдөр цацагдсан ‘The Marvels’ киноны анхны тизер трейлэрийг хүлээн авч үзнэ үү.
