Хьюстонд төвтэй “Intuitive Machines”компани “Odysseus” роботоо сарны өмнөд туйлын ойролцоо газардуулан дохио хүлээн авснаар дэлхийн түүхэнд бичигдэн үлдлээ. “Odysseus” робот станц нь сарны гадаргууг судлах, радио долгионыг хэмжих зургаан багаж, техник хэрэгсэлтэй ба дуу дүрсний мэдээлэл илгээх чадвартай.
“Intuitive Machines” компани АНУ-ын нэрийн өмнөөс 50 жилийн дараа анх удаа сар руу робот хөөргөн, Аполлоныг залгамжлав. “Odysseus” нь НАСА-гийн санхүүлжилтээр босч, “SpaceX” компанийн “Falcon-9” пуужингийн тусламжтай дэлхийгээс ийнхүү 384,400 км цаана амжилттай газарджээ.
Эх сурвалж: BBC
