Вангелия Пандева Гуштерова буюу Ванга эмээг мэдэхгүй хүн ховор. Бага наснаасаа хойш хараагүй болсон түүнийг ирээдүйг зөгнөх “чадвар”-тай гэж олон хүн итгэдэг билээ.
Түүний энэхүү “чадвар” Дэлхийн хоёрдугаар дайны үед олны анхаарлыг татаж Болгарын хаан III Борис болон ЗХУ-ын удирдагч Леонид Брежнев гэх мэт нөлөө бүхий хүмүүс түүнтэй ганцаарчлан уулзсан байдаг.
Вангагийн олон зөгнөл биеллээ олсон гэгддэг юм. Тухайлбал, Ванга Диана гүнжийн үхэл, Оросын “Курск” шумбагч онгоц живэх, мөн 9-р сарын 11-ний террорист халдлагыг зөгнөсөн аж. Мөн 1996 оны 8-р сарын 11-нд 85 насандаа үхэхээ урьдчилан харсан гэж үздэг байна.
Гэхдээ эдгээр мэдээллийг бага зэрэг давсалсан гэж хүлээн авах нь зөв. 2023 онд болно гэсэн олон зөгнөл нь биеллээ олоогүй байгаа билээ. “Sky History”-д мэдээлснээр Ванга энэ жил нарны шуурганаас болж дэлхийд их хохирол учирч, цөмийн био зэвсэг дэлбэрнэ гэж зөгнөжээ. Гэхдээ 2023 он дуусахад нэг сарын зай үлдсэн байна.
Тэр 5079 он хүртэл биеллээ олох зүйлсийг хэлж үлдээсэн юм. 2024 оны хувьд Ванга долоон зүйлийг зөгнөжээ.
1.Путиний дэглэм өндөрлөх үү?
Ирэх жил Путинийг Орос хүн хөнөөх гэж оролдоно хэмээн зөгнөсөн.
2.Террорист болон био зэвсгийн халдлага
Европт террорист халдлагын тоо нэмэгдэж, томоохон улс биологийн зэвсэг туршина эсвэл ашиглана.
3.Томоохон эдийн засгийн хямрал
Террорист халдлага болон биологийн зэвсгийн улмаас эдийн засгийн хямрал үүсэх аж.
4.Цаг уурын асуудлууд
Аймшигтай цаг уурын үзэгдлүүд, байгалийн гамшиг тохиолдоно гэж зөгнөжээ.
5.Цахим халдлага
Ирэх жил цахим халдлага нэмэгдэж, хакерууд цахилгаан сүлжээ, ус цэвэрлэх байгууламж зэрэг чухал дэд бүтцүүдэд халдах аж.
6.Эрүүл мэндийн салбарт том нээлт хийгдэнэ
Альцхаймер болон хорт хавдар гэх мэт эдгэшгүй өвчнүүдэд эмчилгээ олно.
7.Технологийн дэвшил
Эцэст нь квант тооцоололд томоохон нээлт хийгдэнэ гэж Ванга зөгнөжээ.
