Хөдөлмөрийн гэрээгээр ажил эрхэлж буй гадаад иргэд 6.5 мянга болж, өмнөх улирлаас 47 хувиар буурсан байна. Харин эсрэгээрээ гадаадад хөдөлмөр эрхлэхээр 262 иргэн зуучлагдсан байна. Энэ нь өмнөх улирлаас 51.4 хувь өссөн үзүүлэлт болжээ.
Манай улсад 2023 оны дөрөвдүгээр улирлын байдлаар гадаадын 99 улсын 6.5 мянган иргэн хөдөлмөрийн гэрээгээр цалин хөлс, орлого олох зорилготойгоор хөдөлмөр эрхэлж, мөн цалин хөлс, орлого олох зорилгогүйгээр сайн дурын ажил хийж байна.
Ажил эрхэлж буй гадаад иргэдийн тоо өмнөх оны мөн үеэс 2.5 мянгаар өссөн нь 64.4 хувийн өсөлт гэж хувьлагдсан байна. Харин өмнөх улирлаас 5.7 мянган хүнээр буурчээ. Ажил эрхэлж буй гадаад иргэдийн 5.5 (84.6 хувь) мянга нь эрэгтэй, 1.0 (15.4 хувь) мянга нь эмэгтэй байна. Хөдөлмөрийн гэрээгээр ажил эрхэлж буй гадаад иргэдийн
- 49.2 хувь нь Бүгд Найрамдах Хятад Ард Улсынх,
- 7 хувь нь Бүгд Найрамдах Социалист Вьетнам Улсынх,
- 6.7 хувь нь Бүгд Найрамдах Энэтхэг Улсынх,
- 5.6 хувь нь Оросын Холбооны Улсынх,
- 4.4 хувь нь Бүгд Найрамдах Филиппин Улсынх,
- 3.7 хувь нь Америкийн Нэгдсэн Улсынх,
- 3.6 хувь нь Бүгд Найрамдах Солонгос Улсынх,
- 2.9 хувь нь Бүгд Найрамдах Турк Улсынх,
- 16.9 хувь нь бусад улсын харьяат байна.
Насны бүлгээр харьцуулбал 35-39 насныхан хамгийн их буюу 1.1 мянган (17.6 хувь) хүн, 20 хүртэлх насныхан хамгийн бага буюу 56 (0.9 хувь) хүн тус тус эзэлсэн байна.
