Зул сар, шинэ жилийн баяр дөхөж ирэхээр худалдааны газар, супермаркетуудад баярын уур амьсгал оруулах дуунууд сонсогдож эхэлдэг. Тэдгээр дуунуудаас хамгийн их явдаг нь Мэрайя Кэрийн “All I Want For Christmas Is You” билээ.
Кэри тус дууг 30 гаруй жилийн өмнө, 1994 онд гаргасан. Гэсэн хэдий ч шинэ он дөхөж ирэх болгонд чартуудыг тэргүүлдэг. Тэгвэл тэрбээр “All I Want For Christmas Is You” дуугаараа “Spotify”-аас 5.4 сая ам.доллар олсон аж.
“Spotify” дуу стрийм хийсэн тоогоор уран бүтээлчдэд мөнгө өгдөг. “Hello Minions” сайт Зул сарын дунуудын стрийм хийгдсэн тоонд анализ хийж хэдий хэмжээний орлого олсныг тооцоолжээ.
Стрийм болгонд уран бүтээлч 0.0035 ам.доллар олдог гэсэн мэдээллийг ашиглан тус сайт Кэриг “All I Want For Christmas Is You” дуугаараа “Spotify”-аас 5.4 сая ам.доллар олсон гэж үзсэн байна. “Hello Minions”-ийн тооцооллоор бол Кэригийн дуу “Spotify”-аас хамгийн өндөр орлого олсон Зул сарын тухай уран бүтээл аж.
Харин хоёр дахь хамгийн өндөр орлоготой дуу нь Wham! хамтлагийн “Last Christmas” юм. Тус уран бүтээл “Spotify”-аас 4.5 сая ам.долларын орлого олсон гэж “Hello Minions” тооцоолсон байна. Ариана Грандегийн “Santa Tell Me” 3 сая ам.долларын орлогоор гуравт оржээ.
Эх сурвалж: Unilad
