Дотоодын болон гадаадын аялагч, амрагчдыг “Аяллаа Архангай” руу чиглүүлэхийг уриалж эхлээд байна.
Учир нь аймгийн төв Эрдэнэбулган сумаас зүүн зүгт Онгоны ам хэмээх газарт 24 га талбайд 1500 автомашины зогсоолтой, худалдаа үйлчилгээний 84 цэгтэй, 4000 хүний суудалтай цэнгэлдэх хүрээлэн буюу Ара комплексийг шинээр байгуулж, ирэх 7 дугаар сарын 1-нд үйл ажиллагааг нээх юм.
Аймгийн түүхт 100 жилийн ойтой холбогдуулан 7 дугаар сарын 1-нээс бүтэн сарын хугацаанд өдөр бүр үйл ажиллагаа зохион байгуулахаар хөтөлбөр гаргасан байна.
Гэр бүл, найз нөхөд, хамт олон, ганцаараа ирсэн ч уйдахааргүй өдөр бүр үзүүштэй хөтөлбөрүүд багтжээ.
Өдөр бүрийн хөтөлбөрүүд болон онцлох хөтөлбөрүүдийг дурдвал:
7.1-нд Ара комплексийн нээлт
7.5,6-нд Бөхийн барилдаан
7.7-нд Нийтийн дууны оддын тоглолт
7.10, 11-нд Аймгийн баяр наадам
7.14-нд Breathe music night
7.15-нд “Lumino” хамтлагийн тоглолт
7.16-нд Шагайн харваа
7.21, 22-нд “АRA LIVE” амьд хөгжмийн тоглолт
7.22-нд “Мастер кросс” авто уралдаан
7.26-нд Соёлын өдөрлөг, Булган ууланд зул өргөх ёслол
7.27, 28-нд Аймгийн 100 жилийн ойн баяр наадам болно.
Харин “Ара комплекс”-ийн эргэн тойронд “Этүгэн” үзэсгэлэн, циркийн тоглолт, Хүннү гүрний музей, гэрэл зургийн үзэсгэлэн, ретро машины үзвэр, амьтны хүрээлэн, “Week” хөгжмийн хамтлаг, худалдаа үйлчилгээ, хүүхдийн тоглоом, хүүхдийн цэцэрлэг, олон үндэстний хоолоор өдөр бүр аялагч танд үйлчилнэ.
