Өнгөрсөн долоо хоногт алба хаагчид аюулт үзэгдэл, ослын 53 дуудлагаар үүрэг гүйцэтгэж, 168 иргэний эрүүл мэнд, амь нас, 2.7 тэрбум төгрөгийн өмч хөрөнгийг хамгаалсан байна.
Дуудлагаас үзвэл иргэдийн өвөл, зуны байшин цахилгааны аюулгүй байдал хангаагүйн улмаас гал гарсан шалтгаан нөхцөл зонхилжээ. Мөн автомашин шатсан дуудлага нэмэгдсэн байна.
Түүнчлэн ирэх өдрүүдэд хүйтний эрч сулрах тул халтиргаа, гулгаа нэмэгдэх эрсдэлтэй тул иргэд явганаас бэртэж гэмтэхээс сэргийлнэ үү.
Гэртээ байгаа хүүхдүүдийн аюулгүй байдлыг хангаж, асран хамгаалагчтай үлдээхийг онцгойлон зөвлөж байна.
Эх сурвалж: Онцгой Байдлын Ерөнхий Газар
